今日同大家分享下我揸的士幾個月黎最難忘既一單🤭（真人真事無改編！） 大概係2個月前 凌晨2點幾鐘左右 係大埔拎左張2站銅鑼灣既order 咁即刻打電話比個客啦 佢話一站大圍一站銅鑼灣 咁very good啦極速衝去上客 一上客佢地係兩個有啲口音既auntie（40零歲） 都睇到同聞到係有飲左酒既 咁做得夜更我都預左亦都覺得冇所謂既 跟住佢上車第一句就係話：我鐘意游車河 先去左銅鑼灣先再返大圍吖唔該 Oh wow我亦當然冇問題啦 極速去到銅鑼灣放底左一個再飛紅隧返大圍方向啦 去到九龍塘既時候 個客就突然問我：師傅，隨便去一去一間7-11或者油站比我買包煙食支煙得唔得，個錶照跳住等我得嫁喇 我冇諗太多，就去左浸會醫院隔離果間7-11停左係門口等佢（佢有放底左一個行李gip）而佢亦都係大概5分鐘後返左黎 仲買左包花生同8罐啤酒 跟住上車就問我：師傅你唔驚我走左去嫁咩，可能我個行李箱係空嫁呢 我話：我冇諗咁多呀，如果我停正係門口都比你走左我數，咁我就要怪自己多啲😂 跟住佢就再問我：你趕唔趕時間，有冇下一張單呢？... 故事有啲長，暫時講到呢到，聽朝收工再更新😈🫡