即係我年紀唔細，但嗰日畀人叫妹豬糖真係都幾開心🥹 好開心今年可以入場投到呢票，除咗可以支持姜之外，最重要係想回應《好得太過份》呢首歌，呢份心意。當日喺solo con已經喊到傻咗，今年終於可以好實際咁表達到我嘅心意🥹 條路真係好唔簡單，呢兩年可以話都畀人鬧到慣咗😂同姜一樣拎到獎係開心，但都有晒心理準備畀人鬧，點知今次大家終於發現個hater文化真係太誇張，終於唔使跌入黑洞🥲 @keung_show 第一次tag你🙈 原來不知不覺已經幾年，可以話係第一次追星，好有一種一齊成長嘅感覺。好多人今次都好擔心你，我都有啲，但呢幾年鍛鍊出嚟仲有對你嘅信任，知道你只係需要時間。當晚你行落台，就知道你又要跨過一個關口喇，你係真係一路前進唔會畀自己停落嚟🫶🏻而呢條路上🍬都會一直陪伴你❤️ 唔小心變咗表白文🙈😂大佬首《白果》好勁啊，首播聽到歌詞填埋Keung To落去嗰下真係好震撼，好鍾意呢種曲風，小克老師嘅詞真係好正🙌 順便講埋最鍾意嘅歌係《鏡中鏡》🫶🏻