簡單點評下每個獎項，希望中肯 專業推介叱咤十大黎講，會試每首歌講小小睇法，排位就唔講了，我都唔知點計🤣 林奕匡 / 黃妍 / 葉巧琳 - 藝術與科學 三位歌手出合唱歌，歌入耳舒服，演出穩定，有台風，作為專業歌手已經做好自己本份。SONY 經常比人話唔識做推廣，令到旗下歌手既關注度同發展都比人遜色。而作為受眾既大家，有無諗過唔淨係關 SONY 事？大家覺得 SONY 要做多少少之餘，亦都可以自發留意多少少， Share 下比朋友聽，Party 既時候又播下比大家聽，等大家記得佢地都好。 Kiri T - 至少做一件離譜的事 一首係上年唱到街知巷聞既歌，令更多人認識 Kiri T。之後大家都知道原來佢唱左好耐，原來佢本身強項唔係唱呢類曲風。演唱中鏡頭影一影台下有份作曲既 J.Aire 亦都喊到豬頭咁。除左感動，可能仲會有不甘心。隨著J.Aire宣佈唱埋2月個唱就暫別樂壇 ，《陰陽道具》、《Ｍ的悲劇》呢類實驗性極高既歌我諗香港歌手都未必再會有人做。或者好多年後會有人拎返出黎討論，希望 J.Aire 之後仲會間唔時出下歌， 話時話 1月2號 已經又出左首《*白金卡公主》。 *打錯歌名再出過