各位高貴又樂於助人嘅Thread友你哋好 我計劃到埗英國後一年內買樓，想聽下你哋嘅意見。 原因 一為自住 (英國中部地區樓唔貴,有能力無理由租六年) 二為打"陣地戰"(BNO 5+1留六年持續作戰） 三曼城一些二手樓可以做到六至七厘稅前回報，單從投資角度看不差，令整件事看上去似乎進可攻退可守 觀察咗幾年，好多人移民後嗌救命嘅原因係租樓，喺香港你可以同老豆老母住，再慢慢儲錢，固本培元。但喺外國，冇居所嘅話就要每個月硬食租金，無險可守。 所以我暫時的規劃係一落地頭一年先租(唔想隔山買牛)，然後預計呢一年內熟悉整個城市(暫時心儀曼城)，同時不停睇樓搵樓。 打算喺近市中心區買間平平地嘅二手樓(約1.5m - 2m HKD)自住保值就算，例如 Manchester Salford/ Eccles/ Stockport/Didsbury? 原因一來近市中心，二來成交都幾頻密，如將來有其他諗法都可以較容易放售或者租出去。 選樓方面我首要考慮因素是 一 安全 二 交通便利程度 三 週邊工作機會 Thanks! 移英生活 BNO #移英日常 #uk #買樓 移民