靜靜地冇乜生意拿拿林講埋下半part比大家聽啦🥲係冇任何你地諗既奇怪發展既😈😂 果時大約係3點15分左右 我同佢講我下一張單預約左4點（當然係9up，因為唔知佢想點😂） 跟住佢就問：可唔可以車我上馬嬲山吹吹風睇下馬嬲，4點前返到大圍，我直接比$1000你，以表誠意我而家直接比左先 🤔🤔聽落又幾好喎，我出黎揸的士都係求財姐，咁我亦冇諗太多，收左$1000就帶姨姨上山坐陣吹下風，我做既野亦只係做個聆聽者，姨姨有邀請我一齊飲啤酒，不過由於我仲要揸車我就拒絕左，只係坐埋一邊食住煙聽下故事比下反應，但其實佢亦冇啲咩特別唔開心既故事分享，可能只係香港人壓力真係太大想有個聆聽者聽下佢講野，有人陪下。 而我地亦都跟據講好既時間3點50分就起程返大圍落客（並沒有你地諗既奇怪發展😂） 姨姨落車前同我講：哥哥仔，我都係第一次搭搭下的士叫的士佬車我上山吹風，你可以同人分享呢件事，但你唔準話我係傻閪！然後我就唔同你留電話啦，因為如果有緣總會再遇到。 仲有一小段唔夠位post我擺係留言🫡～