[憶述] 屯門醫院R11A病房 1 希望愈大失望愈大，記得第一晚好晏先轉病房，病房得三個人計埋我，諗住咁少人咁好？咁應該可以有教好訓。因為晏左食飯，變相飯後蠕動都遲左，當大左嘅時間就撞正交更時間，叫左幾次都冇人理，直等到換片時間，結果就醃到皮膚。我之前講過一隻保護膜噴霧，唔係個個PCA 都識用或者肯用，有啲會拒絕幫你用，最好就同當值護士講聲，有啲PCA 係要護士吩咐先幫，起初我懷疑我叫錯左個阿哥做叔叔，所以就👅哂野。第一晚，安安靜靜叫做訓到教好的。 第二日，開始發覺所有野都同急症病房好唔同，醫生係另一班人，巡房直行直過，要問野原來要預先同護士講。之後就排隊沖涼，我有樣野好唔滿意，就係個阿哥叫我自己清潔下面，佢話"我地唔會幫你洗架喎"，但我訓浴床，我話心口連丁點都屈唔起，睇又睇唔到，隻手又唔夠長去洗，我話我喺D3都係人幫我，佢先肯求其洗兩下。我一開始懷疑係咪復康病房少重症，加上老人家多所以PCA 都係咁態度，之後慢慢發覺唔係人人都好似D3咁有愛心同耐性。之後又發現張床因為唔同左款，係新啲但就自己撳唔到個control ，變相就冇得自己自由調教張床練坐... #SCI #脊椎創傷