本來想寫返上場波 但新年流流費時寫埋d衰嘢 唯有寫個遲來的2024年回顧 （雖然都唔好得去邊） 講咗開心嘢先 最最最開心當然係主場反cup利 再決賽贏埋曼城捧走個盃啦 兩場都有入場睇 而我個Threads都係為咗慶祝贏決所賽先開始寫 本來諗住寫吓卡靈頓趣聞 寫吓寫吓變咗講吓波抒發吓 兩場波都係有今生無來世 反cup利之後返公司仲要09有meeting 跟住俾同事問我係咪感冒😆 對鏝相對就驚好多 無諗過可以守完場 （當然仲有爭d輸俾高雲地利😮‍💨） 唔開心就當然係坦克都係俾人炒咗 其實炒都唔係最唔開心 而係炒完之後到依家都仲係一個亂局 真係唔太知點收科 最估唔到係後續ge偷片事件 仲要俾人斷章取義 令我感受到原來網媒為咗流量 係可以幾無恥😮‍💨 然後Amorim上任以嚟ge敗仗sss真係好嘔血 希望管理層俾d耐性捱幾季🥲 2024最值得欣慰ge係睇多咗小紅魔 同時又擔心佢哋係一隊換帥下有幾大影響 不過依家我好似多咗班仔 睇住佢哋一場一場咁進步 真係好戥佢哋開心 咁啱呢兩個禮拜都係作客 叫做唔駛入場咁凍可以抖吓😪 anyway 2025年祝大家都順順利利🙆🏻‍♀️ 🔴⚪️⚫️ 曼聯