2024年 除咗幫個page搞個project外 自己都全程投入咗睇日劇嘅世界 睇多咗 自然有意外驚喜 亦都有年度至愛 趁2024年啱啱過咗 就喺度盤點吓2024年嘅日劇 諗咗陣應唔應該分排名 最後決定……唔分喇 跟季節講啦 冬： 不適切也要有限度 宮九今年好高產 年頭有呢套一口氣笑盡昭和同令和嘅喜劇 地圖炮咁笑盡兩邊不妥嘅事 最厲害係用歌舞嚟包裝說教位 易入口咗好多 最搶鏡係河合優實 佢真係好襯昭和不良風😁 再會指揮家 平淡而溫暖嘅溫情劇 睇住樂團裏面唔同人各自因為主角指導而向前行落去 真係幾感動 謹以此劇懷念西田敏行🥲 沒有愛的戀人 23年有野島伸司回勇 上年就有遊川和彥 儘管有啲配角都係怪怪地 但幾個主角背負住唔同傷痕同對戀愛嘅價值觀 在呢場戀愛遊戲度跌跌撞撞 仍然係寫得好睇 仲兼夾寫埋遊川點睇AI編劇呢回事 當然 焦點都係要落喺佐佐木希度啦 春： Unmet 本年度日劇最大驚喜 原本以為只係醫療版掟上今日子 無諗過竟然係個咁窩心嘅故事 若葉龍也同杉咲花好襯 照亮街道的人 事前臨急埋班 出到嚟變成黑色幽默犯罪片 我睇完又諗起社區嘅新舊交替必要 遲啲會再出文詳細講