異靈靈異 講下d零碎撞野經歴先，話說媽咪有個情同姊妹嘅朋友我哋叫佢做姨媽，喺街市有個檔口賣野食嘅，我哋2家人細個已經成日一齊玩又係住埋同一座（之前間猛鬼屋條邨，佢哋仲住緊因為係最大單位） 佢哋個二女都間中會撞野，即係冇啦啦發高燒，查下日腳燒下衣紙就冇事，有次我同佢一齊去街市個廁所，好似係五格，中間一格有人，咁我同佢各自去咗有人呢格嘅左右，去緊嗰時聽到呢隔入面條友不停講嘢但係唔知佢講咩話，我初頭以為係d大陸女人講鄉下話，我好快去完就話走先，點知佢叫我唔好走住等埋佢佢開大 如是者我就企喺洗手盆等佢，佢就不停撩我講d無謂野，中間嗰隔亦都繼續講我哋聽唔明嘅嘢好似同人傾計咁（但係嗰時手提電話未盛行嘅，唔會有喺廁所傾電話呢樣野出現）我諗10分鐘度佢出嚟就急急腳扯住我走，仲問我頭先聽唔聽到有人講嘢，我話聽到但係唔知佢講咩，佢話好在唔係得佢聽到，我嗰時都唔知點解佢咁講 嗰晚佢就發高燒喇，原來我哋聽到嘅就係傳說中「鬼食泥」咁聲，係一種形容唔到嘅聲黎嘅，呢種聲我之後都冇再聽過亦都唔想再聽到呀😖