話說因為我喺網上訂個蛋糕被詐騙囉，之後發現有好多受害者啦，咁我就通宵咁打咗篇文，想更多人可以睇到唔好受騙啦，有分享咗喺網上啲詐騙群組度，咁有兩個群組係我入到group但係我篇文呢係唔俾我分享囉，甚至有個更加好奇怪咁留唔到言。咁成功分享到嘅呢係Facebook詐騙群組嗰group度，咁我有講過因為我喺另外group度，雖然我分享唔到我篇文啦，咁但係我又喺人哋詐騙底下分享咗條link。咁之後就有條友就喺我嘅Facebook專頁度攞咗張我同韓國YouTuber化妝師嘅相做頭像，咁我當然即刻就同Facebook度舉報啦，啱啱收到新消息啦，佢就移除咗呢條友個Account。咁即係話呢啲群組都有詐！！！而且好大機會係詐騙嗰啲人開個喎，你諗吓如果唔係點會有群組入邊嘅人惡意咁去攞我張相嚟做頭像？就係因為俾我踢爆咗，所以針對我？所以我覺得大家都要小心啲警惕！！