係，見到Sammi攞到最女的確覺得好開心，畢竟係近年開始睇叱咤年年都有投嘅一位，連心目中今年最煞食嘅ian都真係上到男金，理論上應該係冇咩好挑剔😌 頒獎禮評審準則同點分獎呢幾日已經嘈到傻，反正由頭到尾個龍門都係任人搬，花生友如我關心嘅只係大家唱live唱成點，而好老實講，真係唔得呢⋯⋯ 攞獎好激動人之常情，小學攞個操行獎激動到聲都震is totally fine，但身為歌手aka.公眾人物，大家係咪應該都要keep返啲情緒管理&記得成個Event唔只係頒獎禮同時都係一個演出 用台Mon/耳Mon/心情未平復影響發揮呢啲解釋對fans或者有用，認知停留喺咸豐年同時都算上開台嘅人如在下睇到就真係得啖笑，唱歌做音樂係好個人嘅事情，但萬幾人辛辛苦苦撲飛入場參加個Event歌手們真係不能太個人囉，唱衰咗揸住個獎唔止失禮自己，仲失禮埋fans同埋辛苦嘅幕後 畢竟對兩位都只能算係街客，所以濾鏡欠奉，總要講返幾句真話嘅，反正只係小薯一個，唔使學姜濤咁攞個「憑財力說話」獎都要縮啩，學「大」前輩張生話齋我掌握返話語權啫😅 （下續可選擇性收看）叱咤2024