好多時候我會提醒自己，做阿媽千萬唔好落指導棋。即使而家bb幾個月大，育兒專家都講俾佢哋玩玩具嘅時候，唔好係旁邊指手劃腳，「教」佢哋應該咁玩，唔好咁玩。咁樣會扼殺佢哋嘅創意同思考。 我相信即使到佢哋長大，職業、愛情、婚姻、生仔，做父母都唔應該俾框架小朋友。 可能好多父母根據自己經驗，覺得做乜職業好，覺得結婚好生仔好，或者我屋企所講唔好結婚唔好生仔。無論好定唔好，父母嘅人生，永遠唔會代表到子女人生。 好似我父母關係，只係同一屋簷下幾十年但各自生活。但我好慶幸遇到老公同有小朋友。 人生邊有一定好同唔好，邊度控制到咁多嘢。有人想拍拖，但一直緣份未到。有人想生仔，一直未成功。 有人結婚好幸福，有人唔幸福。 有人後悔生仔，有人鍾意小朋友。 根本人生就無standard。 父母最多只能講各選擇嘅Pros and cons俾子女知。 另外父母最大責任只可以教導子女唔好行差踏錯，盡力協助裝備好佢哋學歷知識希望之後嘅路易行啲。最重要係培育到好嘅情緒。 心靈健康，可以一世受惠，即使有困難都可以堅強樂觀面對。呢樣先係俾小朋友最寶貴嘅禮物