細個唔太識去表達愛，婆婆嚟香港嘅時候，都冇好好愛錫佢。相反仲有好多嘈嘈鬧鬧🥹 唔知點解2018年去英國Working Holiday之前，突然好想探婆婆一次，單人匹馬就沖咗上去🤣（好遠，當時未有高鐵，坐咗九個鐘巴士…）。雖然上到去都唔太明佢講乜，但總算有好好問候過，傾下偈。佢見返我當然好開心 結果就喺我離開嘅兩年左右，佢就過咗身，都算高壽安息。唯一遺憾係，我走嘅時候見佢瞓緊晏覺，冇去打擾佢，其實我應該走去錫佢一啖（不過嗰時唔識呢啲嘢…） 到而家，見返邊個我都會畀個大擁抱，離開嘅時候都會好好道別 好多嘢都唔係必然，原來瞓咗覺第二日可以擘大眼都唔係必然，珍惜眼前人