琴晚同一個好多年無見既好朋友傾電話 所謂既不打不相識，佢係我係杜拜第一個真心好朋友。我係佢最難過既日子陪住佢，同樣地佢係我人生最低潮既時候陪住我。佢幾年前移左民，因為咁好少傾計，但琴晚佢話佢無時無刻都會諗起我，特別係d重要日子，或者佢係餐廳度聽到人地講中文🥹其實我都係一樣好掛住佢🥹 呢幾星期經歷左好多考我耐性同大智慧既事情。有一位好朋友中毒死左，另一個我曾經以為係老死既人其實一直當我係水魚，仲有好多幾年無聯絡又唔熟既人無啦啦走出黎yo我搵著數，真係好想開佢地波，但我知道一衝動就出事，我條命巨門化祿，唔開口無飯食，開親口一定有是非，所以，我認命😮‍💨 當你以為係好朋友既人原來只當你係水魚，當你以為以後都見唔到面既人其實就係你身邊，當你以為好快可以見到面既人居然就咁離開左呢個世界，真係好百感交集😮‍💨 對朋友我成日都go an extra mile盡力做一個好人，我問心無愧，但我都值得最好。 失眠左成晚去消化呢4星期發生既事，總結左3個字：不當真。 念頭不當真，經歷不當真，愛恨不當真，生死不當真。 雖然話不當真，但都好有陰影🤥