把口就話放低咗你 但其實係咪真係放低咗 發夢見到你有新嘅女朋友 嚇到我傻 但我又醒唔到 我喺個夢入面不停喊 完全停唔到 起身發現自己眼角有啲濕 即刻打開你IG 睇吓 好彩你冇新女朋友 其實我已經分唔清自己係仲鍾意你定係唔想你過得比我好 比我更快去放低呢段感情 我覺得我嘅真心對你嚟講同垃圾冇分別 你可以玩完就算 轉個頭同其他女傾偈 但我唔得 同你分手之後我完全唔想再識其他仔 唔想同其他仔傾 或者更多嘅係執念啦 分手之後我嘅身體一日比一日差 但你呢 日日都風流快活 同其他女玩 我哋嘅付出好似唔對等