容許我求其搵兩張相嚟出post。題外話，呢張超夢夢真心靚。 前日出咗個thread有關英文版太晶Prismatic Evolutions開賣日嘅一啲睇法，隨手上whatnot cap咗張圖講rip&shipper。要知道我成篇嘢都係用繁體字出，就算有人咁啱碌到都唔會由頭睇到落尾（我貼親出嚟啲卡又唔夠人貴，又唔係女邊有人得閒睇？）所以我係冇blur 個streamer名就直接出圖，到而家都諗唔明點解有西人入嚟留言，可能人哋真係識睇中文唔定。 我成篇嘢都冇開名，純粹指出有rip&shipper偷步賣，另外我問點解佢哋可以有咁多貨，當然責任嘅源頭係來自於distributor/wholesaler，而家喺discord已經有好多聲音話有wholesaler下一水會托價到£70一盒，當中會唔會有人選擇價高者得呢？如果你睇返成個美國一晚Tiktok同whatnot開散包嘅數量，你就會知道佢哋鯨吞嘅數量會遠遠多過班Scalpers(就算佢哋用埋bot)。 都係嗰句，我廢噏幾句啫邊有人睇。純粹做個統計，如果你真係咁無聊由第一隻字睇到呢度就麻煩你留一句「頂你個肺，俾返5分鐘我！」謝謝！🙇🏻‍♂️