原來，我有錄低嗰個好尷尬嘅moment，隔得好遠，我聽唔到佢講乜，但係我放低手機之後，我離遠聽唔到佢大叫講嘅說話，但係都見到令人好不安嘅樣，我完咗場之後一直同身邊嘅爵屎都喺度討論呢件事，覺得好醜怪。Edan開live都有講過，人哋唔識分我哋邊個打邊個，總之我哋咪就係爵屎，唔該你嘅行為唔係淨係代表你自己，人哋會以為我哋都係咁嘅人🙂‍↔️🙂‍↔️，唔該保持尊重，唔係講追星，退一萬步講你當自己係客，咁樣發爛渣，其實係西客。  同埋我非常開心，就算我哋坐得好側面，就算Edan好少望到我哋，就算我哋長期睇唔到Edan嘅正面，就算backdrop我哋都睇唔晒，就算工作員喺我哋前邊有時會影唔清楚佢，全場90幾%同坐我附近嘅人，都係非常nice嘅，大家有講有笑，大部份人都係好正常，希望佢哋下次諗吓喺呢啲環境，總會有啲位置上嘅差別，好介意嘅諗吓好無參加，或者如果真係要參加嘅應該點樣去尊重同場嘅人尊重Edan 🙏🏻