下半場又即將開幕 先嚟睇下呢個一月到底食咗啲乜嘢特色食物 1. 1/2 yard 半碼長熱狗 2. Fish and chips 奇怪海洋生物版 3. 黃芥末蕃茄意粉 呢個配搭係意想唔到嘅好食，我原本以為佢只有毫無道理嘅辣，但是實際上黃芥末反而填充咗蕃茄罐頭入面少少嘅酸同埋豐富咗佢嘅口味，顏色上面相對於傳統蕃茄意粉，佢變成咗近似橙色嘅顏色，煮嘅時候已經加咗黃芥末醬，後面再按照個人口味再加黃芥末醬，莫非我真係天才？ 4. M&S龍蝦意粉汁煮捲曲中空長意粉 好食得滯，所以原本兩三日嘅份量係一日之間全部食晒，目前嚟講除咗蕃茄意粉同埋卡邦尼意粉，因為好易煮所以會回鍋之外，佢係第三種我會想回鍋嘅意粉，我想瞓覺嘅時候枕頭全部都係呢種意粉，等我可以一邊瞓一邊吸意粉