「唔想一直幫人打工。要自己創業。」 「打自己工自由好多。」 是經常都遇到的心態。錯到七彩。 而且來到今天，”創業” 好易，開個 free acc. 已可 “創業”。唔使咁多性幻想的。 年收 $10 vs 10 個億都係老闆； 好多真中產、富人，財富都是從打工來。 到底你是想創，定只想要錢？是兩件事。 現在真是好適合創業，機會好多，稍有一件細事可專少少，已足夠可從地經營。如果你有這條件，我自己是非常鼓勵創。 都唔一定要好多資金，錢多定少都是要經營。 幾多富2代長期做倒水爛尾生意，只是你唔知。 然而，創業就是一人獨大之爽？ 每個客都是老闆、傳媒是你老闆、政府是你老闆、 做老闆的，老細仲多過職場人，要顧嘅眉頭眼額更多。 但創業是好玩的，多少是有「只有你諗唔到，諗到就可任你自己玩。」嘅自由。 然而，你有無穩定嘅心智，少少嘅自我管制能力？ 不論你的盤口幾大，少少自我紀律是必須。 每個能站得住的人都會咁答。 有少少可人人當老闆的彈性，又有少少執行紀律了，就必然夠料可刀仔鋸大樹？你知道完全未是。 而其實，如你有呢兩個基礎條件，在職場一樣可玩得開心奔放。 做主，唔一定要發老闆春夢的。