最近興講「情緒價值」， 其實唔係好明咩意思，總之就係可以令人開開心心。 本身覺得有一個可以提供「情緒價值」嘅伴侶真係好重要 1. 啱啱同佢去咗日本，好多地方都減價 🐒: 「喂老婆，嗰邊d衫減價喎，你去睇吓啦。」 👸🏻:「乜我而家只配睇減價嘢？」 。。。。 2. 行到三四點佢話要坐低食d野 🐒:「得！我做左功課，附近有Harbs!」 👸🏻:「下，Harbs都叫做左功課？而家邊有人食Harbs架？」 。。。。 (最後都係去食Harbs仲打卡話好好食) 3. 排左好耐隊食隱世拉麵，但唔啱佢口味，食剩左大半。 🐒:「你唔鍾意啊？」 👸🏻:「😑唔鍾意，好難食，嘥Quota。」 🙈🙈🙈 同佢一齊有時會覺得好氣餒😮‍💨 我有同佢講過「情緒價值」呢樣野， 然後佢試左半日提供大量「情緒價值」比我， 例如我話去邊都笑住話揀得好， 食乜都笑住話好好味， 試咩衫都笑住話好好睇， 我覺得極其恐怖， M底嘅我都係想佢做番自己， 其實佢咁多年都係咁架啦， 情乜鳩緒價值。 情侶間要求的「情緒價值」， 可能，我是說可能，只係用黎借d意分手嘅姐。