呢排又興返KK園 諗起一個朋友以為我去歐洲運毒嘅故事。 直到而家佢哋都仲係笑緊我其實真係運咗毒，只係我自己唔知🙂‍↕️（你哋睇完成個集團點運作之後，都可以分析吓😂 話說讀書嘅時候，經常會做好多騎呢炒散，例如超市派糖、玩具舖sell小朋友試玩之類，仲記得尖沙咀誠品啱啱開嘅時候，拎住個牌仔企門口都有一嚿水一個鐘。 咁點樣先搵到呢啲工？嗰時會有啲蛇頭開WhatsApp group，每日就扔job出嚟，然後大家啱嘅就會狗衝。 嗰年暑假嘅某一日，返嘅炒散係做活動數人頭，拎住個計數器，有人行過我面前就撳一吓，天氣好熱，所以有白鴿飛過時我又撳多幾吓。 唔知尻企咗幾耐，突然WhatsApp啲炒散group有人問：「急要人去巴黎，今晚出發。包機票酒店，另外$1500簿酬🙌🏿」 青春有好多時都係百無聊賴，反正暑假，反正我聽日冇嘢做，於是我即刻覆：「我OK！」 嗰一年，泰國牙朗運毒俾人拉咗。 （留言續）