朋友早幾個月打波拗柴斷咗右足髁韌帶，手術修補之後，腳腕恢復嘅進度都良好，但係每一次操體能或者或者打波，都感覺到兩邊身體唔對稱，深蹲的時候，右腳會好難受，所以請我治療右腳， 但係，當我叫佢Demo深蹲嘅時候，發覺佢根本成個盆骨歪向右邊，原來左邊嘅下肢，根本不能承重，左邊髖關節十分僵硬，左邊的深層臀部肌肉極緊張，身體被迫將重心推往右邊。 以前嘅我，一定會俾大量hip mobility / core stability/ breathing exercises 佢做，用運動打開左邊髖關節嘅靈活性，日子有功，慢慢練就得（不過唔知幾時，總之努力啦🤡） 自從練習林氏手法同埋針法後，發覺根本唔使咁煩，頭先用咗5分鐘，逐層針開佢左邊臀部嘅筋膜系統，基本上mobility既問題已經解決，佢嘅訓練就可以集中火力喺真正要強化嘅功能上面。 屋企人成日問我， 成日飛黎飛去,用錢用時間讀書練嘢為左乜， 就係為左自己同病人都行少dd冤枉路 就係咁 #物理治療 #針灸 #我只用一枝0.12mm 既一寸針only #深蹲 #操腳