自從星期六幫家姐報咗英文班之後 就少咗陪妹妹上言語治療 （重任交咗俾工人姐姐， 俾佢跟住學吓嘢好似仲有用） 加上上兩堂妹妹同姑娘各請一次假 差不多2個月無陪過妹妹上堂 今日見到妹妹上堂表現進步咗真係好多 見到姑娘都好surprise 覺得我哋可以開始多啲open question 同做多啲發音練習 好好彩我哋一報協康就遇到好嘅姑娘 上佢堂我坐隔籬都覺得自己學到嘢 （老實講，之前觀課都見過好多言語治療師， 真係好多都其實唔算太專業，識得理論但係唔係太識運用） 下晝接完家姐打關斗之後又再接妹妹跳舞 跳舞個老師又係世界級 好溫柔好有耐心 Feel到佢真係好錫妹妹 又好照顧佢嘅情緒 搞乜鬼 加埋幼稚園呢兩年個班主任 佢遇到嘅老師/導師都唔係一般咁好 感恩 🥹 感恩 🥹