好耐冇食過船麵 見多倫多早排開咗間泰國船麵 一於試試佢！ 本身一心諗住會伏 因為開喺近dt位置 裝修又咁靚 通常裝修靚既都係呃鬼佬食😆 點知一入到去真係泰國人開 食物選擇方面都幾多 我哋叫咗一個豬肉船麵同牛肉船麵 S size實在太細碗 諗都冇諗就叫咗M😂😂😂 大碗到差啲食唔晒（我平時都已經幾大食） 食完係勁飽 建議細食既都係叫返S好啲 船麵個湯超正！！！勁濃又有啲辣辣地 佢哋有調味料俾你自己隨意調教口味 佢個辣椒堅辣 鍾意食辣既真係岩晒 我食到流晒汗😂😂😂 碗麵大大碗之外 啲餸都幾多 有肉之外仲有好多粒肉丸 個湯底仲有菜、芽菜、炸蒜、洋蔥、蔥 好惹味 我叫咗米粉 勁索汁 差啲ko成碗湯😆 佢哋仲有泰式奶茶 係真係泰國嗰個牌子🥹🥹 以前去泰國一定會買 後來香港開咗舖頭都會間唔中買嚟飲 總括嚟講 呢餐真係冇中伏 好食！！！ 多倫多 多倫多 多倫多