今日同個網友見面 講開自己初入行的景況 degree soc work入行 SWA人工 做入校program 連續返過21日工 HD畢業一樣SWA人工 做社工就係追求公義 但自己偏偏被不公義對待 當時後生 滿腔熱誠（而家唔係冇） 做得社工就預左唔會發達 我唔同佢計 但一路做跟point跳 做到個point同ASWO睇齊（你估足唔足pt?😏） 佢先升我做ASWO 啲經驗值冇哂😂 我承認果時冇諗career path 冇計較咁多 但當睇到fresh grad同你拎緊同一個人工 個心就識得唔舒服 同出面打工一樣 做社工一路努力既野最後都唔係落自己袋 你做得好 只係為機構建立名聲 你唔會有得加人工同出雙糧 幫到人的滿足感 亦幫唔到你養家 到兩老開始年紀大 我就開始反思 我一路放最多時間的工作 幫到其他人的生命 但就根本add唔到任何value係自己最愛的人身上 咁咁多年的努力係為左咩 打打下篇野都想喊🥲