爸爸 (含結局劇透） 2024年度最愛。 （雖然我睇已經係2025😆） 係好沉重嘅。沉重因為係真人真事。沉重因為冇出口。如果係一個故事，反而會有好人壞人，壞人就有報應，有結局，等等。現實中一個悲劇可以冇壞人，甚至冇原因。 全劇以爸爸POV為中心，所以中間穿插好多時零碎嘅過去片段。成套戲冇呼天搶地，反而一路睇一路更心痛。 YouTube 上已經好多好詳細嘅影評，愈睇呢個角色愈deep. 真心希望劉生攞影帝（我心目中已經係）。 想講睇完導演訪問感受多咗少少： - 最尾（Edan)嗰段純粹係爸爸想像出嚟，原形仔仔（應該）亦從未放出嚟。 - Edan 拎起妹妹房個黃色多啦A夢公仔。黃色多啦A夢係佢比老鼠咬耳仔之前，代表咗回到起點。 - 原形父親有同導演講過已經放低咗，因為已經冇「恨」，所以亦唔需要「原諒」。