正如琴晚開場時講，我覺得男人一世人點都要上一次擂台！我同在場過千位觀眾一樣非常幸運，能夠見證到16組選手夠膽企上擂台，冇揸流灘，冇一刻左閃右避，尊重對手，搏到最後一秒，每一位都係真男人！當然，仲有兩位我非常尊敬嘅女士，一樣夠膽企上擂台，促成咗培生擂台呢一場女子賽！ 擂台只係得一個勝方，但見到你哋喺擂台上流嘅眼淚、聽到你哋嘅故事、見證到你哋點樣對自己人生負責，我可以講，你哋每一個都擔得起「Champs」呢個名！ 想參加嘅，去 wearechampsboxing 連結留低聯絡方式，我哋下屆無敵盃見！NO BULLSHIT, LET’S GO！