今日星期日，難得地海洋公園人唔算多，晏咗出發睇唔到樂樂吃播，但就睇到安安可可吃播😃 終於睇到可可坐上寶座開餐，仲喺樹枝床上打了個關斗，一腳將紅色波踢飛碌咗落去。 今日啲人真係太嘈了，我都有啲頂唔順。當佢哋瞓嘅時候，啲人就話佢哋懶，當佢哋食嘢時，啲人就話佢哋又食…… 兩腳獸真係難服侍，仲有人話做熊貓真係嘆，但熊貓焗住喺果個area要聽你哋啲大呼小叫聽咁多個鐘，真係咁嘆嗎？ 除了熊貓，去睇埋樹懶、企鵝、狐獴、象龜，亦終於見到水豚May真身了。睇住動物們真係可以充電，除咗坐纜車果一陣，都冇坐低過，但完全唔覺攰的，一離開公園就開始feel到雙腿不是我的。。。睇一次熊貓充嘅電量夠唔夠我返兩日工呢？🫠