Probono/業餘活動 🇬🇧一般都好留意嘅。大家都想知你除咗番工之外，仲會做啲咩，從而知你係咪可以適當咁釋放壓力同個人發展係咪全面，而且一般外國都好注重對社會嘅貢獻（最少係數據上係咁），所以呢啲額外嘅活動喺公司入面係會被大力推廣，而interview 都會問起。 🇭🇰雖然好多公司都有類似嘅活動，但係個人覺得喺面試度一般都唔太重視呢啲嘢。不過，我都會建議喺CV度寫啲比較有趣嘅活動（我自己以前有唱歌所以會寫埋落去），咁你份CV會有機會突圍而出，而且喺面對啲比較chill嘅面試官嗰陣，有機會可以搞下氣氛。