正如我地婚禮誓言所講 一場有親朋戚友到場的婚禮 對我地而言一切都不容易😭 LGBT 🌈呢條路唔易走 但其實我幾為自己呢個身份而自豪 因為自己喜好同人有啲唔同 所以由細到大除咗愛情，好多方面我都能夠唔理別人的目光，勇於做自己喜歡的事 中學讀基督教男女校 記得俾人發現我同女仔拍拖之後，學校安排了一場場明光社的講座，企圖想話我知我係幾畸形😂 上上下堂被社工捉出去，同我講正常家庭係一男一女組成，生兒育女先係神認可既關係 我當時不禁問: 咁唔生仔、生唔出係咪都無資格做基督徒？ 及後我更被停課了一星期，呢一個星期我喺屋企煲哂惡魔在身邊😂 但當然都被老豆打咗一餐 🦁在傳統基督教長大、傳統教會名校長大 無人明白佢只不過係裝錯咗個software 一切一切難聽無辦法承受既說話 仲要面臨被捉去驅魔的危險😂 婚禮上🦁的爸爸始終沒有出席，我亦無見過 🦁爸爸因為佢既性取向，已經好多年無同佢說話 其實我由細到大都唔明，乜唔係神愛世人咩？ 點解神既愛會有條件？ 呢個宗教教人推走大家眼中有少少「瑕疵」嘅子女？ 咁咩係完美？邊個定義既完美才能被神接納？ 邊個唔想正正常常，做家長眼中的好孩子 (留言續)