又到分享時間😂 故事發生係兩星期前，一個唔記得星期五定星期六 由於小弟係5點半am交更 4點半鬆啲既時候岩岩做完一張單去到旺角 由於差不多時間交車 我就冚旗向尖沙咀方向慢慢揸睇下有冇啲順路收工既柯打返入新界啦 跟住彈左張佐敦長樂街去諾士佛臺既單出黎🤔我諗一諗 都係順路 就拎埋呢$29蚊啦 咁接完之後，由於夜晚唔塞車，1分鐘時間就到左彌敦道金巴利道交界，就係呢個位彈左張諾士佛臺返火炭既單，而我亦都接埋 心諗係好完美既安排。 結果轉完個灣，個客話佢叫左人落黎幫佢比錢，我心諗：屌你咁大個人$29蚊都拎唔到出黎？我同佢講：你會唔會有八達通／payme／we7／支付寶／轉數快我乜都收嫁喎 結果，佢話佢冇。如事者一路等佢一路打電話叫人落黎，一路都冇人落黎幫佢比錢。我亦同佢講：我唔係呃你，我真係有下一台客預約左，不如我交你比差佬啦（後面就係警車）佢又猛咁話唔好吖唔好吖咁樣 然後，下一台客人出現敲門，咁我就開門同佢講話個客$29蚊都無錢比等緊人黎贖佢走啦，下一台客人係3女1男，咁佢地就係車旁邊傾計啦好似覺得等一陣冇乜大問題啦 突然，其中一個女仔爆喊，真係好大聲崩潰果隻... 又比字數限制左～