12月31日發咗一日燒，2025年第一日就sick leave了。然後退燒，返咗幾日工，到今日都仲有後遺頭痛，開聲仲係有濃厚鼻音。 做護士就係咁，唔係發緊燒唔係癱咗就即係返得工。我呢幾日戰力應該得返60%左右，但工作要求付出嘅就等同病房爆滿度一樣長期超過120%。 遇上周末、長假期，多數文職唔駛返工嘅日子，醫院裡面有時會比平日更忙。前兩日有個new grad問我：「點解今日忙到唔似星期六？」我同佢講：「你入得呢行，今日星期幾已經唔關你事。」大家苦笑。Weekend vibe定holiday mood都好，留返自己放假先去感受啦。