小額錢債追數(一) 自僱咗一排，前年入咗小額追個冇品客尾數，搞咗一年法庭終於喺年尾判咗我贏，對方亦冇限期內申請覆核判決，可以公開內容了 奉勸大家做任何錢銀job都要好好保障自己 1-寫清楚合約包含嘅工作內容同埋額外收費內容，再穩陣啲就定義埋 2-收咗按金先開始工作 3-保留文字內容，電話講完可以send email 俾大家總結對話內容 做design嘅成日有啲客勁改，記得要寫明合約包幾多次，額外改要幾錢，傾好哂style先開始做，千祈唔好啞忍，適當時候要提吓對方「改咗幾多次，記得集合哂啲comment咁改，減少將來可能會收嘅費用」。正常客一見到要計錢，都會收儉啲，雙方合作時都順啲 講到要收額外錢，唔好驚得罪客，因為出面都係咁超過咗就逐次收，如果個客想改好多次，可以offer另一個任改嘅價錢，記住你係有input，做額外嘢收錢好應該。 呢個冇品客本身係我以為係手joke又有少少名氣嘅藝人，同埋佢開頭搵我報新餐廳要設計嘅item都好多，諗住大單嘢就有啲計平啲都得嘅 👸: 之前搵另一間agency整舊餐廳，收成十萬蚊仲要最後點改又唔包要收多幾錢😡 見佢唱另一間就知道佢有啲難搞...待續