/😈1.6 小小好夢 上咗地鐵 係一條全新既線 明明已經望住嗰牌 都過咗一個站 一落車 就好似出輕鐵咁 一出就係地面 去咗一個陌生地方 心情好焦慮 周圍望都唔知點樣先返到去 隔離有個阿姨知道我過咗站 然後勁好人 同我講 ：阿妹唔洗驚喎 對面線好近 我帶你過去 成功到達目的地 依然唔知嗰度叫咩 淨係見到一個年紀有啲大 但係把聲好響嘅村長 佢話要請我 比好高嘅人工俾我 職責就係跟住佢 行嚟行去 我每日要做嘅嘢係 幫佢去七仔買1L水🤣 基本上日日都俾佢鬧 有時衝入嚟七仔 話我買得好慢 我話 ：每日每個牌子嘅水價錢都唔同 好想買個最平！ 之後佢吱我就轉身走 一開始俾佢鬧都會唔開心 不過覺得份人工包埋 村民都問我點解要返呢份工 話村長係傻既 成日鬧走人 去到後尾 發現村長會記得我鍾意嘅嘢 例如鍾意飲咖啡 佢會朝早無啦啦塞一個咖啡俾我 或者叫我去雪櫃揀一個 飲完先返工 入面全部都係唔同牌子嘅咖啡 之後 好似咩都唔洗做咁 成日同啲村民去玩 就醒咗了 醒咗之後諗 村長可能太悶 錢太多 先想請我 我冇嬲村長 佢記得我中意乜嘢 已經好感動