話說 飛返香港之前幾日 半夜唔舒服攞咗之前佢買俾我嘅panadol 出嚟食 咳咗成晚 痛到肺都痛 開咗冷氣太凍 個人太攰 唔識得熄咗佢 一朝早起身就開始成個人好頭暈 個頭好熱 成身都好痛 燒左幾日 一直都退唔到燒 怕上唔到機 所以睇咗醫生 諗住燒38點幾 食咗藥 瞓咗變咗37會好啲 都係一路冇退燒 等36度 後來食藥瞓夾硬壓到去35度幾 變咗低溫 啲炎症 喉嚨一直好唔到 日日食嘢都只係食到少少 因為要攞嚟送藥 好掛住佢照顧我 買藥俾我食 買嘢俾我食 唔舒服嗰陣陪住我 取而代之 其實我都唔係孤獨嘅 都唔需要keep到自己咁獨立 經常都要怕欠咗其他人 原來之前對朋友好係有用嘅 識咗一年嘅樹窿話我知 佢過緊嚟機場接我 仲陪我響機場食埋飯食咗藥先 怕我洗多錢 陪我搭巴士幫我拎篋拎到返屋企 然後自己返屋企 而且佢係住新界北 我自問佢失戀嗰陣 我都只可以安慰下佢 多啲同佢傾下 佢話俾我聽 其實所有人對我嘅付出係唔求回報嘅 唔係一定要追你先至對你好 當你係真心朋友都冇計嘅 原來做朋友 我都唔需要太擔心 好似我一味咁樣接收人哋嘅好 網上識嘅亦都真係會有真友誼