有時睇到啲人寫嘅嘢都幾撚無聊，仲有少少戇鳩 例如啱啱睇到有人講話，大陸某個煤礦富豪燒人民幣去煲紅豆沙俾個女明星食，仲要煲到起沙嗰隻。 首先周潤發燒美金嚟點雪茄係有型，因為幾張就OK，同埋人哋係做假銀紙嘅 你試吓用陰司紙嚟燒？睇吓要燒幾大疊？ 用嚟煲紅豆沙？屌你老味成間廚房都係灰，一啲都唔有型！ 比着你係一個拜金女明星，你會寧願佢將用嚟燒嘅錢俾佢好撚過啦！ 你話唔係喎，燒銀紙煲紅豆沙係一件事，再俾錢個女星係另一件事。sorry，個女明星都會話：我全部要，折現得㗎啦。 稍為有腦諗一諗就知道唔可能，只不過係一啲以訛傳訛嘅江湖傳聞，而且呢啲傳聞已經講到冇乜味道，淡過貓尿，仲攞嚟吹，真係冇乜意思 有啲行業嘅人係咁，好鍾意講嗰啲：十億八億好小事乜乜乜 係佢個客嘅事，甚至乎有啲係個客吹出嚟嘅事，但係有啲人就好鍾意講到好似自己什麼錢都看不上眼一樣，聽完對眼反到上頭殼頂🙄