係我第二次見到 有樓主因為網絡風紀而del post 希望大家正視 尊重每個人表達嘅自由 用上風紀一詞 正正係指嗰啲 講嘅嘢其實無傷大雅 而話佢嗰啲亦都未必係戰鬥格 之但係 最終令人放棄自己表達嘅權利都係難以接受嘅 無論文字或言語 總有其限制 表達嗰個好多時未能完全講出心中所想 (講緊有幾多人嘅語言能力足以我手寫我心呢?) 而接收者 一百個人就有一百個想法/思考模式/價值觀 對語言嘅理解能力唔同... 咁到最後 接收到嘅訊息自然打咗個折扣 或者人哋表達嘅手法 語氣 甚至所講嘅內容 唔啱你口味 甚至你覺得有啲唔恰當 呢個時候 感受番人哋嘅出發點有冇惡意 呢個先係重點 回歸最基本 每個人嘅標準都唔同 請盡量唔好以自己嘅標準度人/管人 請好好守護呢一小片嘅言論自由 好冇?🙏