24000蚊的幸福.續. 當返到屋企之後日子一日一日咁過，就到某一日，我個女去畫畫班學做勞作，咁個成品就帶左返屋企，返到屋企嘅時候件勞作有個毛毛波跌左出嚟，之後基路仔（因為我幾鍾意百變小櫻入面隻基路仔，所以就幫佢改左名）見到個波波跌左落地就超興奮咁跑去帶波，個陣時我住喺村屋有條獨立樓梯直上三樓，基路仔就帶住個波跑左落樓梯，最可愛既時候出現啦！佢竟然咬住個波波跑返上嚟去到我腳邊放低左個波波之後望住我，佢竟然好似狗咁咬返個波返嚟望住我用眼神話俾我知：「我就係鍾意呢個波呀！」當下我真係心都溶化咗，隨即我就執起個波掉開去佢真係好似狗咁跑去咬返嚟俾我，每一日我都抽時間陪佢玩波，真係好可愛，可能玩波波係佢既天賦！又到某一日，我係廚房度煮緊野食，咁基路仔就係個爬架度玩緊啲貓棒，玩到好興奮咁支貓棒係長繩加羽毛，佢玩玩下突然間行左入廚房搵我，咁我煮緊飯見到佢行過嚟，支貓棒竟然勒住左條頸！我即刻解開條繩抱起佢講無事啦無事啦咁摸返佢，跟住佢夠薑係我抱住咁訓着左，跟住我就熄火抱佢出梳化度繼續摸佢，摸到我之後都一齊訓着左，就係咁佢第一次係我懷抱入面訓教。又到某一日我收到個通知我批准可以出發去加拿大⋯字數有限續