「我教嘅野廢唔廢？」 呢個念頭首先萌生喺我教PG (post-graduate) 嘅班，主要因為教嘅人已經係返緊工嘅人。我當時恐怕學生其實識得仲多過我，又或者問我一D現實世界嘅操作問題。其實教材都係由出版商提供，而Syllabus 亦係院校決定，我係可以照教，但令我每次上堂前都感到壓力，怕自己呃飯食，學生唔覺得有value added. 於是我花點時間審視教材，發現都有唔少野係廢，苦苦掙扎後便逐少去除廢嘅部分（雖則Syllabus已定，但其實都有一定空間可以加減）。做完一輪less is more 嘅調整後，上堂嘅自信心返哂黎。當以為以後就風調雨順風生水起風林火山，點知過左若干時間後，睇返我之前認為係廢料嘅教材，竟然覺得佢地並非全部都廢！ 於是我就明白，原來係「我廢」。原來教學有分「題材廢」同「老師廢」。原來老師可以廢到連冇問題嘅題材都教到廢埋。學生交左學費，花左時間，而老師，係收左錢工作，工作唔應該係生產廢料。 如今無論教PG定UG(undergraduate)，我都盡量希望做到「唔廢」，雖然要繼續努力，但求無愧於心。 因為我唔想做一個呃飯食嘅人。