準備緊London trip, 男友講左不下十次要去試下Gordon Ramsay 間餐廳，問佢邊日去佢又無諗，又話貴貴地之類。 我無睇過黑白大廚，亦唔知邊個係Gordon Ramsay，最後訂左佢生日當晚去食。睇完個menu 同佢講total HK$4K應該得啦，唔係好貴啫，你又諗唔到生日禮物，咪食餐好既😊佢係超大反應話唔洗我請啦，唔好洗咁多錢。（不過我估佢應該開心到飛起？我好中意寵身邊既人🥹） 男友唔係唔捨得洗錢係我身上，以前旅行既一貫作風都係當地食玩9成都係佢比。不過歐遊21日的確係一個大支出，當然我都準備好錢，無諗過唔比啦。 反而係自己對於食幾千蚊一餐無心痛既感覺，呢個情況真係好感動。對比起兩三年前，一個月仲限制自己只可以用HK$5-6k/月，樣樣野都要格價…到而家學習到點樣「用錢」，錢點樣提升自己既價值/快樂感。當然慳錢同賺錢都重要，重點係你點樣睇「錢」呢樣野。 「配得感」係要時間訓練，要不斷比信心自己。當然底氣就係日常生活有意識地消費，儲到錢先更加有底氣相信自己值得擁有啦。