要稱讚 紅城餐廳 佢哋將用剩嘅咖啡渣同埋檸檬嘅頭尾擺響門口，任人取用，我食完有啲想飲檸檬水，攞咗幾塊嚟沖水。有一位婆婆特登攞咗個膠袋嚟裝咗啲，話放入雪櫃辟味。環保又有心。 之前食過一次，食食吓停電，剩返幾盞微弱嘅燈，侍應請我哋食雪糕同埋麵包，臨走再塞多幾個麵包俾我哋。停電唔係佢哋嘅責任，佢哋話剛剛開張，唔想得失啲客人。 服務業嚟講，體驗係好重要嘅，就係呢啲微小細節，就儲到loyal嘅客人。