久別重逢 咁清純嘅港產片真係好耐都無見到，港產片要擺脫剩係拍獅子山下嘅刻板印象，呢部電影將係又一突破。梁導演首作一啲都唔失禮，成功營造左年少情竇初開嘅浪漫氛圍。但有機會都想問問導演 @jillleung422 ，從訪問得知故事多少受導演自身經歷啟發，但點解導演會選擇用愛情故事嚟探討中年危機同自我價值？究竟呢部分都有自身經歷，定係愛情故事有其獨特嘅魅力去 address 呢樣野？相信呢方面都能令觀眾對電影有更全面嘅理解。 坊間唔少人都欣賞許恩怡 @natanoonoo 嘅表現，不過要客觀評價佢嘅表現，就先要放低我地對角色嘅固有感覺。夏文萱實在係不少男士嘅完美對象，而初戀亦係唔少人嘅美好回憶，坊間對許恩怡嘅讚賞，唔多唔少都會摻雜對初戀嘅壞緬。而對我而言，許恩怡嘅表現係恰如其分，成功帶出左夏文萱活潑溫暖嘅形象，只不過今年影后競爭十分激烈，其他女角色更具難度，使許恩怡要取得金像提名絕非易事。但無論如何，許恩怡亮眼嘅表現令人期待佢將來嘅發揮。 （留言續）