最近洗碗男呢件事非常熱門 由於牽涉到一啲性別議題，當事人被屌到上天花版，不外乎係話佢係巨嬰etc etc 我自己覺得，要加入去一齊恥笑當然係最容易嘅，例如「咁撚大個人仲乞求母愛」／「要洗碗就等於感覺唔到母愛咁on9」，但另一方面嘅我明白每個人心中有嘅創傷其實係主觀嘅（i.e. 唔需要得到世人嘅評定，唔需要睇佢合唔合乎主流價值觀），而佢哋多數都唔係刻意去選擇與此相關嘅coping mechanism（當然洗碗男事主最後拎呢件事嚟推銷自己啲嘢賣廣告係另一個問題）。 事實上好多coping mechanism（例如吸毒，賭錢都係）係不會被身邊嘅人包容（作為被影響到嘅身邊人都無義務去包容），但如果當事人願意去尋找呢啲行徑背後嘅原因，我會想尊重呢件事，rather than 恥笑佢。唔代表我好同情佢，或者覺得佢發爛渣唔洗碗就係啱，兩件事嚟，只不過起碼佢願意直接面對呢件事，而我覺得呢個社會需要更多人覺察到自己嘅需要，而恥笑或者屌到佢上天花版只會將呢件事越推越遠。