喺我作出任何嘅論述之前，都等我帶返個頭盔先⛑️ ** Museum is always political ** 博物館選取的文物、撰寫的文字、選擇的起點和時間線以及選擇不提及的事件 - 所有嘅決定都係刻意的同埋代表住博物館自己（甚至係政府）的立場。 當觀眾去閱讀博物館展示出來嘅故事時，佢地同時間都帶有自己嘅睇法同埋政治立場咁樣去睇。 我首先講下自己，我係帶有多重身份嘅觀眾：一個研習了十幾年歷史、曾經鑽研過博物館與文物管理學、前文物工作者、同埋現為中學世界歷史老師⋯嘅觀眾。我同時都係來自一個於二戰時曾被日本佔領的香港。 所以，唔同人去睇同一個展覽，得出嘅結論都可唔可以好唔同。就例如我來自英國的男友白熊睇完都會有相似但也有不同的睇法。 但我先講，我未來會寫嘅文字絕對不是為了討好任何國籍嘅人去寫的。