突然想起你⋯⋯ 還記得那天放學，中一的我纏着中三的你，不准你離開學校，因為我班同學求我幫她問個明白，究竟你有沒有喜歡她，其實只係兩個選擇，有/無，但你就死不回答我，說是秘密㊙️，秘密唔會比咁多人知道。我不停又氹又求叫你只說給我一個人知，你都唔肯，結果我跟你糾纏到快天黑了，我才問你叫什麼名字，你一下子跳上幾級樓梯到我面前，原本向下對望著你的我，突然要抬頭對望著你，太近了，我不知所措的迴避你對眼（弊！招ed<暴露年齡🤭>)，跟著說「你好高啊！」，很自然地退後一步，已經挨到條四方柱了，無路可退，我只好低著頭，當時你好開心回應我，話從來無人話你好高，之後你叫我記住你個名，英俊的俊+聰明的明。（而家諗返，其實你係咪壁咚緊我呀？😂） 之後已經唔記得你有無問我叫咩名，因為唔重要，我只想知答案，就可以快啲返屋企，但你始終都無答我，天已黑，真的要回家，唯有明天再問。