退回時間線，我一諗其實我入坑都唔係好耐咋喎💀 我大概入坑三至四個月，當時應該係人生低谷期，因為我考緊一個好重大嘅試，但係第一次第二次都失咗手，考完第三次差唔多派成績，我勁焦慮。 喺派卷之前，我碌IG無意之間發現咗PLAVE，冇記錯當時好似係碌到Pump Up The Volume!，由於我本人其實係有追V又追星，一下就俾人吸引咗，我當時應該係俾斑比Cute到，所以慢慢了解佢哋，之後就垂直入坑🤣 好彩PLAVE喺我低谷期嘅時候出現，救贖咗我嘅心靈（此處運用了誇張法😌），渡過咗我人生最黑暗嘅時候，喺佢哋音樂嘅打動下，好彩考得幾好，所以好多謝PLAVE😭💗 雖然我追佢哋嘅途中，出現過好多質疑嘅聲音，但係好彩嘅係我堅持咗落去，識咗咁多位PLLI! 所以2025年又請大家多多指教🥹