自己既衫自己設計 「師兄仲有幾多組」應該每一個gym撚都講過，印象最深刻係有次夜晚係九龍灣247（出名多人），等緊一部seated row，有3個學生哥用緊，我開頭都無問仲有幾多組，諗住最多咪十零分鐘當休息下就係側邊等佢地，點知佢地一邊做一邊係到連線打機，正常就係A做完到B再到C到番A咁樣loop，但佢地打打下亂左，係咁同對方講「到你啊」，果陣已經玩左20分鐘，我忍唔住同佢地講「到我啊」，我再問佢地到底仲有幾撚多組啊，然後就好似訓導主任企係側邊督促佢地做哂😂 自從呢次後，我見到d唔專心唔認真操野既人用緊我想用既機就會問定佢地仲有幾多組，件衫既靈感來源就係咁😂