睇到個post，男仔送公仔氹女仔睇醫生，好sweet，但我好難有呢d關係，因為我戀愛腦得黎又理性，kick👶🏿 曾經有個男仔陪我去抽血，陪我去睇醫生，聽我放負，氹我訓覺，會清曬前女友既所有野，佢好好，但我最後無應承到佢。 有人問我點解會覺得對呢個男仔唔住，我覺得呢d野雖然係基本，但追求階段會做既人少，太多人騎牛搵馬，佢既付岀相比之下好難得，而問我呢條問題既人，最後同翻前女友一齊。 我唔會係狀態唔好既時候開展一段感情，我認為兩個人一齊，至少要有一個係內心強大堅定，如果唔係，兩個人一齊淨係識得圍爐取暖，表面安穩，內裏繼續逃避個人問題，最後點都會相看兩生厭，害人又害己。 有人會怪我太理性，話我唔夠依賴，我唔明點解要為左滿足他人既大男人主義，而犧牲自己內心既安寧，有無諗過情緒勒索唔會增加我對人既信任度，亦唔會令我覺得你可靠。 知人者智，自知者明，我有厭蠢症，虛張聲勢自以為是既人我接受唔到。當你唔需要靠其他人黎搵翻自尊同安全感既時候，先好岀黎搵人拍拖啦💩 好多謝將自己照顧好既自己，我都係有jellycat 既人啦😙