去旅行攰過返工 再一次認證係真 唔係旅行日體力舟車勞動嘅攰 而係旅行完返到屋企要back to 正常生活嘅攰 由英國去日本搭飛機前後14日但住酒店12晚 去到行程嘅最尾4日開始被傳染至發燒和咳，食住藥頂住照去玩埋幾日 搭日本時間下午13：15機回英國 上機前食咗藥，15個鐘嘅航程，訓足11個鐘 真係攰到pk. 英國時間晚上10點返到屋企食個杯麵沖個涼，以為自己訓咗11個鐘，應該訓唔到啦！點知12點幾1點去訓又訓到喎，不過朝早5點半要起身開工。5：30起身個下，以為戰勝jetlag 啦，病病地都起到身開工。點知下午3點幾周公急call 咁諗住休息下，點知成家一齊訓到晚飯都無食，訓到半夜12點開始個人有返意識，起身沖涼刷牙。諗住沖個涼人會醒晒，點知睇咗陣電話，應該1點幾後又訓著咗😆訓到半夜4點幾起身，“等”開工啦！同自己講，唔訓啦，留返今晚早D訓...... 打到呢度，未夠晚上7點，已經好好好好眼訓 ......但我今晚凌晨12點仲要幫屋企人online check in.....已經較咗3個鬧鐘😵‍💫 我諗要攤唞返兩個星期個人先可以回復正常😑