今日分享籌備婚禮時嘅心理同心態 -財政管理 而家嘅婚禮，因應網絡發達，所以比起以前多咗好多活動同駛錢嘅地方 例如Deco，以前只會掛過名牌，而家又Arch 又花花又白地氈 以前買下西餅，一個大蛋糕，而家又整candy corner，蛋糕又幾層咁 所以由籌備到Big Day，唔經唔覺會駛好多錢 如果無做好財務管理，結個婚搞到債務纏身就煩 所以由一開始要做個財務計算 -聆聽 無論父母、親戚，定身邊嘅朋友，一定會有好多「提議」、「傳統」同您地講 記住，長輩講嘢一定要聽 只係聽入心，定聽「過」，就自己衡量 仲有「避忌」，忌，係由己同心組成 所以最重要睇自己嘅內心去做決定 -溝通、包容、分工 見到好多時，包括我結婚，都係新娘做主要籌備🤣 但一個人處理晒真係好攰，所以要識得安排工作同分工 同埋一定要好好溝通 婚前開始，學會選擇一個最好嘅溝通模式 -身體健康、心情放鬆 好多新人都會因為籌備而有壓力 盡量保持心境開朗身體健康 多啲食保健品，有心事要搵人分擔啦 「人無完人」，婚禮好多事都未必如預期 學會開心投入享受 好好享受屬於您地2個人嘅大日子 婚禮司儀 x 婚宴統籌師x婚禮咨詢 香港婚禮